२०७८ कार्तिक ८ सोमबार
  • काठमाडौँ

कतार ‘प्रहरी’ को लागि आएको मा’गपत्र रद्ध…

dailykhabarnp.com

३० भदौ, काठमाडौं । कतारस्थित नेपाली दूतावासले कतारको प्रहरी सेवामा कामदार भर्ना गर्न प्रमाणीकण गरेको मागपत्र रद्ध गरेको छ । कतारको आन्तरिक मन्त्रालयले नेपाली नागरिक काम गरिएको कोटामा अन्यत्रबाटै पदपूर्ति गरिएको जानकारी दिएपछि कतार प्रहरी सेवाको मागपत्रबाट श्रमिक लिन नमिल्ने अवस्था आएको दूतावास स्रोतले जनाएको छ ।

कतारस्थित नेपाली दूतावासले २९ अगस्ट २०२१मा २ सय नेपालीलाई कतार प्रहरीमा भर्ना गर्ने गरी अल तकित म्यानपावरका नाममा गरेको मागपत्र प्रमाणीकरणलाई रद्ध गरेको हो । सो म्यानपावरले कतार प्रहरीमा पठाउने नाममा चर्को सेवा शुल्क पनि असुलिरहेको थियो ।

२०७६ फागुनमा पनि १६९ जना नेपालीलाई कतार प्रहरीमा भर्ना गर्न लगिएको थियो । त्यसपछि थप ३ सय जना लैजान प्रक्रिया अघि बढाए पनि कानुनी उल्झनको कारण देखाउँदै वैदेशिक रोजगार विभागले रोकेको थियो ।

तर, श्रममन्त्रीको समेत जिम्मेवारी सम्हालेका प्रधानमन्त्री शेरबहादुर देउवाले नै कतार प्रहरीमा हुने भर्ति नरोक्न निर्देशन दिएपछि पछिल्लो पटक छनोट र भर्तिको प्रक्रिया अघि बढेको थियो ।

more news below-

२०७८ भाद्र ३१, बिहीबार प्रकाशित 1 Minute 78 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार