२०७८ कार्तिक ८ सोमबार
  • काठमाडौँ

घर ब-नाउँदा कसरी गर्ने बलियो ढलान ? पढ्नु,होस् विज्ञ इन्जीनि,यरका सुझाव…

dailykhabarnp.com

बलियो घर बनाउनका लागि हामीले ढलान गर्दा विशेष ध्यान पुराउनु पर्छ। जसरी हाम्रो शरीरलाई  हड्डी र मासुले थामेको हुन्छ त्यसैगरी घरलाई छड (डण्डी ) र कंक्रीटले थामेको हुन्छ।  यदि तपाईं पिल्लरवाला सिमेन्टेड बलियो घर बनाउँदै हुनुहुन्छ भने ठाउँ ठाउँमा ढलान गर्नुपर्ने हुन्छ । तपाईंको आधुनिक घरको छत, तलाहरु, भर्याङ, भुइँ लगायत ढलान नगरी बलियो घर तयार हुँदैन ।

घरको ढलान, पिल्लर वा बिम बनाउँदा सिमेन्ट, डन्डी, गिट्टी, बालुवा र पानीको मिश्रण मिल्नुपर्छ । तपाईंले ढलान गर्ने मिश्रण राम्रो बनाएर पुग्दैन्, ढलान गर्दा  प्राविधिक रूपमा डन्डीहरु राख्दा पनि विशेष ध्यान दिनुपर्छ ।

ढलान गर्दा ध्यान दिनुपर्ने कुराहरु:

१) स्टेयरकेस (भर्याङ)

भर्याङ भनेको घरको आकर्षण बढाउने महत्वपूर्ण संरचना  हो । यसको फर्मवर्क (ढलान गर्नुअघि फर्मा ठोक्ने काम) गर्दा हरेक सिंडीको उचाइ र लम्बाइ नक्सा बमोजिम हुनुपर्छ ।

भर्याङ भूकम्प आउँदा सबैभन्दा बढी संवेदनशील  हुन्छ । त्यसैले यसको डन्डी राख्दा एकदम ध्यान दिनुपर्छ ।

२) फर्मवर्क (फर्मा ठोक्ने काम)

स्ल्याबको डन्डी हाल्नुअघि फर्मवर्कहरु सबै लेभलमा छ कि छैन ख्याल गर्नुपर्छ । पानीको लेवल पाइपले सजिलै नाप्‍न सकिन्छ । अटो लेवल प्रयोग गरेर लेवल लेको झन राम्रो मानिन्छ ।
फर्मवर्क लेवलमा नहुँदा स्ल्याव तलमाथि हुने, डिजाइन बमोजिम मोटाइ नहुने, निर्माण सामग्रीहरु बढी खपत हुनेजस्ता समस्याहरु आउँछन् ।

३) प्रप्स (टेका)

स्ल्याबको फर्मवर्कलाई अडाउन जुन भर्टिकल सपोर्ट दिइन्छ त्यो भरसक फलामका टेकाहरु प्रयोग गर्नुपर्छ । यसको स्पेसिङ १ मिटर वा त्योभन्दा कम रेडियसमा राख्नुपर्छ। बाँसको टेका भरसक लगाउनु हुँदैन ।

४) आर्किटेक्‍चर डिजाइन

स्ल्याबको फर्मवर्क गर्दा यसमा एकदम ध्यान दिनुपर्छ । आर्किटेक्टलाई डिजाइनको लागि भनेर स्ल्याबको विभिन्‍न ठाउँमा प्रोजेक्सनहरु दिइएको हुन्छ । यो डिजाइन बमोजिम राख्नुपर्छ । नत्र हाम्रो घरको थ्रिडी डिजाइन र निर्माण भएको घरको संरचना एउटै आउँदैन ।

५) स्ट्रक्‍चरल डिजाइन

बिम, स्लाब मा डन्डीहरु स्ट्रक्चर डिजाइनरलाई गराएको जस्तै हुनुपर्छ । बिमको डन्डीहरु ल्यापिङ (डन्डीहरू गाँस्ने काम) गर्दा टप बारलाई मध्य भागमा र बटम बारलाई बीमको साइड भागतिर राख्नुपर्छ । कंक्रिट (गिट्टी, बालुवा र सिमेन्टको ) को मिश्रण तयार पार्दा पनि स्ट्रक्चर डिजाइन अनुसार गर्नुपर्छ । मेसिनमा गिट्टी, बालुवा र सिमेन्टको मिश्रण बनाउँदा डोकोबाट भन्दा क्युब बक्स प्रयोग गरेको राम्रो मानिन्छ । पानीको मात्रामा पनि निकै ध्यान दिनुपर्छ । पानी बढी पनि हाल्नु हुँदैन र कम पनि हाल्नु हुँदैन।

६) पाइप फिटिङ

घरमा पाइप फिटिङ गर्दा सकभर एनएस स्टान्डर्ड २० एमएमको पाइप प्रयोग गर्नुपर्छ । नर्मल पाइप फुट्न सक्छ ।

७) सुपरभिजन

इन्जिनियरले तयार पारेका डिजाइनहरु ठेकेदारलाई विस्तृतमा ब्रिफ गरिदिनुपर्छ र, १/२ दिनअगाडी इन्जीनियरलाई बोलाएर सबै चेकजाँच गरेर मात्रै ढलान गर्नुपर्छ ।

more news below-

२०७८ आश्विन १, शुक्रबार प्रकाशित 1 Minute 99 Views

यहाँ प्रकाशित कुनै समाचारमा तपाईंको गुनासो भए हामीलाई इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

ताजा समाचार